Президенттің бастамасымен жүзеге асырылып жатқан ауқымды реформалар осы
бағытта мүлде жаңа кезеңнің басталуына жол ашты.
Бүгінде салаға тартылып жатқан ірі инвестициялар, заманауи технологиялар
және халықаралық ынтымақтастық жобаларының нәтижесінде «жасыл» энергетика
қарқынды дамып келеді. Бұл тек электр энергиясын өндіру қуаттарын арттырып қана
қоймай, табиғи ресурстарды ұтымды пайдалануға, энергетикалық қауіпсіздікті
нығайтуға және қоршаған ортаны қорғауға да елеулі үлес қосуда.
Жүргізіліп жатқан іс-әрекеттердің нәтижесінде қазіргі уақытта елімізде
жалпы қуаты 5 602 мегаватт
болатын 21 «жасыл» электр станциясы,
сонымен қатар 15 күн электр станциясы
– 3 930 МВт және 6 жел
электр станциясы – 1 672 МВт
іске қосылды.
Нәтижесінде мынадай көрсеткіштерге қол жеткізілді:
2022
жылы – 434 млн кВт·сағат;
2023
жылы – 576,9 млн кВт·сағат;
2024
жылы – 4,9 млрд кВт·сағат;
2025
жылы – 10,5 млрд кВт·сағат;
2026
жылдың қаңтар–шілде айларында – 7 млрд кВт·сағат «жасыл»
энергия өндірілді.
Осының нәтижесінде соңғы төрт жыл ішінде және 2026 жылдың бүгінгі күніне
дейін жалпы көлемі 23,4 млрд
кВт·сағаттан астам «жасыл» энергия өндірілді.
Бұл шамамен 6,24 млрд текше метр
табиғи газды үнемдеуге, сондай-ақ атмосфераға 13,46 млн тоннаға жуық зиянды газдың шығарылуының алдын алуға
мүмкіндік берді.
Бұл көрсеткіштер елімізде қайта жаңартылатын
энергия көздерін кеңінен енгізу электр энергиясын өндіру көлемін ұлғайтып қана
қоймай, табиғи ресурстарды үнемдеуге және қоршаған ортаны қорғауға да елеулі
үлес қосып отырғанын көрсетеді.
