Маълум қилинишича, жами 6 нафар судланувчининг барчаси эркаклардан иборат. Улардан 3 нафарига нисбатан “қамоққа олиш”, қолган 3 нафарига эса “муносиб хулқ-атворда бўлиш” тарзидаги эҳтиёт чоралари қўлланган.
Дастлабки тергов органи айблов хулосасига кўра, судланувчилар Жиноят кодексининг қуйидаги моддалари бўйича айбланмоқда:
- 167-модда (ўзлаштириш ёки растрата йўли билан талон-торож қилиш);
- 168-модда (фирибгарлик);
- 205-модда (ҳокимият ёки мансаб ваколатини суиистеъмол қилиш);
- 206-модда (ҳокимият ёки мансаб ваколати доирасидан четга чиқиш);
- 209-модда (мансаб сохтакорлиги);
- 28,209-модда (мансаб сохтакорлигида иштирокчилик);
- 210-модда (пора олиш);
- 28,211-модда (пора беришда иштирокчилик);
- 212-модда (пора олиш-беришда воситачилик қилиш).
Мазкур иш очиқ тарзда кўриб чиқилмоқда. Суд жараёни якунлари бўйича қўшимча маълумот берилиши кутилмоқда.
