Мулоқотда сув хўжалиги инфратузилмасини модернизация қилиш, насос станцияларининг энергия самарадорлигини ошириш, юқори технологияли ускуналар ишлаб чиқаришни маҳаллийлаштириш ҳамда инвестициявий ҳамкорликни кенгайтириш масалалари муҳокама қилинди.
Учрашувда Ўзбекистонда Президент ташаббуси билан сув хўжалиги соҳасида амалга оширилаётган ислоҳотлар, шунингдек, мамлакатнинг Барқарор ривожланиш мақсадларининг 6-мақсади — «Тоза сув ва санитария» йўналишида эришган натижалари ҳақида маълумот берилди. Қайд этилишича, бу тажриба Нью-Йорк шаҳрида ўтаётган Барқарор ривожланиш бўйича юқори даражадаги сиёсий форум (HLPF) доирасида халқаро ҳамжамиятга тақдим этилмоқда.
Томонлар умумий қиймати 267 миллион АҚШ долларига тенг «Пскент Технопарк» инвестиция лойиҳасини амалга ошириш истиқболларини муҳокама қилдилар.
Лойиҳа доирасида насослар, турбиналар, генераторлар, юқори кучланишли электр двигателлари ва бошқа замонавий электротехник ускуналар ишлаб чиқаришни маҳаллийлаштириш, технологиялар трансферини амалга ошириш ҳамда замонавий саноат қувватларини яратиш режалаштирилган.
Шунингдек, сервис хизматларини ривожлантириш, муҳандис кадрлар тайёрлаш ва маҳаллий мутахассислар малакасини ошириш масалалари ҳам кўриб чиқилди.
Компания вакиллари АҚШ ва бошқа мамлакатларда амалга оширилган йирик саноат лойиҳалари тажрибасини тақдим этиб, замонавий муҳандислик ечимлари ва инновацион технологиялар билан таништирдилар.
Учрашув якунида Шавкат Хамраев компания раҳбариятини жорий йил кузида Самарқанд шаҳрида бўлиб ўтадиган Сувни тежаш бўйича Бутунжаҳон форуми ҳамда Water Tech Expo 2026 халқаро кўргазмасида иштирок этишга таклиф қилди.
Томонлар инвестициявий ҳамкорликни кенгайтириш, юқори технологияли ишлаб чиқаришни маҳаллийлаштириш, технологиялар трансферини ривожлантириш ва сув хўжалиги соҳасини модернизация қилиш бўйича ҳамкорликни давом эттиришга тайёр эканликларини билдирдилар.
