Ушбу ҳудудда халқаро сертификат берадиган замонавий лаборатория ишга туширилади.
Жорий йилнинг ўзида саноат паркида хусусий инвесторлар билан катта диаметрли қувур, кўтарма кран, фильтрлаш ускуналари каби янги турдаги маҳсулотларни ишлаб чиқариш бўйича лойиҳалар бошланади.
Шунингдек, Самарқанд, Жиззах, Наманган ва Сирдарёдаги йирик металлургия корхоналари атрофида жами 100 миллион долларлик кооперация лойиҳалари дастурини ишлаб чиқиш вазифаси қўйилди.
Мазкур лойиҳалар ҳудудларда қўшилган қиймат занжирини кенгайтириш, хусусий сектор фаоллигини ошириш ва янги турдаги металл маҳсулотларини маҳаллийлаштиришга хизмат қилади.
