Айни пайтда Шимолий Америкада ўтаётган жаҳон чемпионатида иштирок этаётган ёш футболчига Англия, Германия ва Франция чемпионатлари клублари жиддий қизиқиш билдирмоқда.
Маълум қилинишича, гуруҳ босқичида Португалияга қарши учрашувни мазкур клублар скаутлари стадионнинг ўзида туриб кузатган.
Ҳозирча трансфер бозоридаги рақобат сабаб қайси клублар Беҳруз Каримовга қизиқиш билдираётгани ошкор қилинмаган. Бироқ уни кузатган мутахассислар қуйидаги чемпионатлар вакиллари экани маълум:
- Англия Премьер-лигасидан — 2 та клуб;
- Германия Бундеслигасидан — 1 та клуб;
- Франция Лига 1 чемпионатидан — 1 та клуб.
Беҳруз Каримов жаҳон чемпионатида Ўзбекистон миллий терма жамоаси сафида ўтказилган ҳар икки учрашувда ҳам асосий таркибда майдонга тушди.
Футболчининг амалдаги клуби — Сурхон. Унинг жамоа билан тузган шартномаси 2027 йилгача амал қилади. Transfermarkt маълумотларига кўра, ҳимоячининг бозор қиймати 350 минг еврони ташкил этади.
