Маълум қилинишича, «Садриддин Айний» кўчасида 1977 йилда туғилган ҳайдовчи «Howo» русумли юк автомобилини бошқариб кетаётган вақтда унга уланган ярим тиркама техник сабабларга кўра ажралиб кетган.
Шундан сўнг тиркама йўл четида жойлашган хонадонга бориб урилган.
Ҳодиса оқибатида автомобиль йўлида транспорт воситалари ҳаракати вақтинча чекланиб, айланма йўллар орқали ҳаракат ташкил этилган. Ҳодиса натижасида фуқаролар соғлиғига зарар етмаган.
Ҳозирда йўл ҳаракати хавфсизлиги хизмати ходимлари томонидан ҳолат бартараф этилган ва автомобиллар ҳаракати тўлиқ тикланган.
Хонадонга етказилган зарар қонунчиликда белгиланган тартибда қопланади.
Ҳолат юзасидан Чирчиқ шаҳар ИИБ томонидан суриштирув ишлари олиб борилмоқда.
