Сирдарё вилоят ҳокимлиги ахборот хизмати хабар беришича, жорий йилнинг 9 июнь куни соат тахминан 17:30 ларда Гулистон туманининг “Ишонч” маҳалласи дала четига яқин ҳудудида битта чиябўри 4 нафар фуқарога ҳужум қилган.
Ҳодиса содир бўлган вақтда мазкур маҳаллада яшовчи фуқаро томонидан тезкор чоралар кўрилиб, ёввойи ҳайвон зарарсизлантирилган ва мавжуд хавф бартараф этилган.
Ҳужум оқибатида жароҳат олган фуқароларга зудлик билан тиббий ёрдам кўрсатилган. Айни пайтда уларнинг саломатлиги тиббиёт ходимлари назоратида бўлиб, аҳволи қониқарли экани билдирилди.
Мазкур ҳолат юзасидан тегишли ташкилотлар томонидан ўрганиш ишлари ва профилактик тадбирлар олиб борилмоқда. Вазият мутасадди идоралар назоратига олинган.
