Маълум қилинишича, фуқаролар “Навоий” чегара божхона пости орқали қўшни давлатга пиёда чиқиб кетаётган вақтида уларнинг хатти-ҳаракатлари шубҳа уйғотган. Шундан сўнг холислар иштирокида шахсий кўрик ўтказилган.
Кўрик давомида икки фуқаронинг оёқларига скотч билан ўраб яширилган, оғзаки сўровда маълум қилинмаган ҳамда йўловчи божхона декларациясида кўрсатилмаган жами 240 минг АҚШ доллари миқдоридаги нақд хорижий валюта аниқланган.
Ҳозирда мазкур ҳолат юзасидан божхона органлари томонидан суриштирув ҳаракатлари давом эттирилмоқда.
