Reuters агентлиги маълум қилишича, зилзила Флорес оролида, айниқса Маумере шаҳрида катта вайронагарчиликларга сабаб бўлган. Қутқарувчилар Маумереда 20 кишининг ҳалок бўлганини аниқлаган. Турар жой бинолари, омборлар ва маъмурий иншоотлар вайрон бўлган, электр таъминотида узилишлар кузатилган.
Зилзила эпицентрига энг яқин Нагекео ҳудудига қутқарув гуруҳлари кўчкилар ва алоқа узилишлари туфайли ҳозирча етиб бора олмаган. Бу ерда 2 мингдан ортиқ аҳоли эвакуация қилинган.
Кучли ер силкинишлари Шарқий ва Ғарбий Нуса-Тенгара провинциялари ҳамда Жанубий Сулавесининг айрим ҳудудларида ҳам сезилган.
Зилзиладан сўнг цунами хавфи эълон қилинган, бироқ кейинчалик огоҳлантириш бекор қилинган. Қутқарув ишлари мураккаб ҳудудий шароит ва инфратузилмадаги зарарлар туфайли давом этмоқда.
