«Босаралиев Муқимжон» фермер хўжалигига қарашли 12 гектар балиқ кўлида тажриба сифатида 0,30 гектар майдонда Вьетнам технологияси асосида шоли етиштириш йўлга қўйилган.
Лойиҳа доирасида бир вақтнинг ўзида ҳам балиқ етиштириш, ҳам шоли ҳосили олиш имконияти яратилмоқда. Мутахассислар ҳисоб-китобига кўра, мазкур усул орқали қўшимча қарийб 5 тонна шоли етиштириш, сув сарфини икки баробарга қисқартириш ва ички бозорни қўшимча озиқ-овқат маҳсулотлари билан таъминлаш мумкин.
Мутахассислар фикрича, балиқчилик ва шоличиликни бир ҳудудда уйғунлаштириш сув ресурсларидан самарали фойдаланиш, ер унумдорлигини ошириш ҳамда фермер хўжаликларининг даромадини диверсификация қилишга хизмат қилади. Бу эса сув танқислиги кучайиб бораётган шароитда қишлоқ хўжалигида ресурс тежовчи технологияларни кенг жорий этишда муҳим аҳамият касб этади.
