Рақобат қўмитасига Наманган шаҳрида фаолият юритувчи тадбиркорлик субъекти томонидан мурожаат келиб тушди.

Мурожаатда тадбиркор «Hududgazta’minot» АЖ ҳамда унинг «Hududgaz Namangan» филиали томонидан қарийб 341 миллион сўм миқдорида асоссиз қарздорлик ҳисобланганини билдириб, масалани қонун доирасида кўриб чиқишни сўраган.

Маълум қилинишича, текширув жараёнида газ таъминоти билан боғлиқ ҳисоб-китоблар, электрон тизим маълумотлари ҳамда қарздорликни шакллантириш асослари таҳлил қилинган.

Ўрганишлар якунига кўра, тадбиркор зиммасига юкланган қарийб 341 млн сўмлик қарздорлик асоссиз экани маълум бўлган. Шундан сўнг «Hududgazta’minot» АЖнинг махсус электрон дастурида мазкур қарздорликни ҳисобдан чиқариш таъминланган.