Бу ҳақда Истанбул шаҳридаги Бош консулхона хабар берди.
Улардан бири — Ўзбекистон Жиноят кодексининг 164-моддаси 3-қисми (босқинчилик) билан айбланиб, 2017 йилдан буён қидирувда бўлган Ф.Ф.Н. ҳисобланади. Унинг Туркияда қўлга олиниши билан қарийб 9 йил давомида қидирувда юрган даврига чек қўйилди.
Шунингдек, Жиноят кодексининг 168-моддаси 3-қисми (фирибгарлик) билан айбланиб, халқаро қидирувга берилган А.М.А. ҳам Истанбулда ушланган.
Қайд этилишича, қўлга олинган шахслар белгиланган тартибда Ўзбекистоннинг ваколатли органларига топширилган. Ҳозирда уларга нисбатан тегишли тергов ва процессуал ҳаракатлар олиб борилмоқда.
Ўзбекистон ва Туркиянинг ваколатли идоралари ўртасида жиноятчиликка қарши курашиш, халқаро қидирувдаги шахсларни аниқлаш ҳамда уларнинг жавобгарликдан қочиб юришига йўл қўймаслик борасидаги ҳамкорлик давом эттирилмоқда.
