Андижон туманида яшовчи Дилдорахон Аҳмедова 20 август куни кўп ҳомилалик ташхиси билан тиббиёт муассасасига қабул қилинган. Аёлда муддатидан олдин кесарча кесиш амалиёти ўтказилган.
Туғруқ жараёни акушер-гинеколог, неонатолог ва реаниматологлар иштирокида муваффақиятли амалга оширилган.
Чақалоқларнинг уч нафари қиз, бири ўғил:
- биринчи чақалоқ — қиз, вазни 1840 грамм;
- иккинчи чақалоқ — ўғил, вазни 1534 грамм;
- учинчи чақалоқ — қиз, вазни 1584 грамм;
- тўртинчи чақалоқ — қиз, вазни 1756 грамм.
Айни пайтда она ва тўрт нафар чақалоқ тиббиёт ходимлари назорати остида.
Қайд этилишича, Андижонда шу йил июнь ойида ҳам тўрт нафар, июль ойида эса беш нафар эгизак дунёга келган эди.
