Ҳолат юзасидан Навоий вилояти Фавқулодда вазиятлар бошқармаси ҳамда ФВДТ хизматлари томонидан тезкор чоралар кўрилиб, оқибатларни бартараф этиш ишлари ташкил этилди. Бевосита ҳодиса қайд этилган ҳудудларда вилоят раҳбарияти бошчилигида тезкор ишлар олиб борилмоқда.
Дастлабки маълумотларга кўра, Хатирчи, Кармана ва Нурота туманларининг айрим ҳудудларида сел оқимлари кузатилиб, 2 та автомобиль, 5 бош йирик шохли мол сел оқимида оқиб кетгани, шунингдек, 7 та хонадоннинг томорқа ҳудудларига сув киргани аниқланган.
Оқибатларни бартараф этиш ишларига жами 37 та махсус техника ва 173 нафар шахсий таркиб жалб этилган.
Маълум қилинишича, фуқаролар ўртасида тан жароҳати олганлар ва ҳалок бўлганлар қайд этилмаган.
Айни пайтда сел-сув оқимлари кузатилган ҳудудларда вилоят раҳбарияти ҳамда тегишли хизматлар масъуллари бошчилигида тезкор штаб фаолияти йўлга қўйилиб, вазият назоратга олинган ҳолда оқибатларни бартараф этиш ишлари давом эттирилмоқда.
