Рейд давомида “Кўксарой” МФЙ ҳудудида Сибир тоғ эчкисининг тана қисмлари сотилаётгани аниқланди. Ўрганиш давомида мазкур тоғ эчкиси фуқаро У.М. томонидан ҳеч қандай рухсатномасиз ноқонуний равишда отиб ўлдирилгани маълум бўлди. Натижада “Ҳайвонот дунёсини муҳофаза қилиш ва ундан фойдаланиш тўғрисида”ги Қонуннинг 32 ва 33-моддалари ҳамда “Ов қилиш ва овчилик хўжалиги тўғрисида”ги Қонуннинг 17, 23 ва 27-моддалари талаблари бузилгани аниқланди.
Мазкур ҳуқуқбузарлик оқибатида ҳайвонот дунёсига 6 миллион 180 минг сўм миқдорида зарар етказилгани ҳисобланди.
Ҳозирда ҳолатга ҳуқуқий баҳо бериш ва тегишли чоралар кўриш мақсадида ҳужжатлар суд органларига юбориш учун тайёрланмоқда.
