Хусусан, қуёш фотоэлектр станциялари томонидан 3,8 млрд кВт⋅соат, шамол электр станциялари томонидан эса 2,2 млрд кВт⋅соат, жами 6 млрд кВт⋅соат электр энергияси ишлаб чиқарилди.
Эслатиб ўтамиз, бундан 24 кун аввал, 8 июнь куни қуёш ва шамол электр станциялари томонидан 2026 йил бошидан бери ишлаб чиқарилган электр энергияси ҳажми 5 млрд кВт⋅соатни ташкил қилган эди.
Маълумот учун: 2026 йил бошидан қуёш ва шамол электр станциялари томонидан ишлаб чиқарилган электр энергияси ҳажми 2025 йилнинг мос давридагига нисбатан 1,2 млрд кВт·соат ёки 24,3 фоизга кўп электр энергияси ишлаб чиқарилди.
Бунинг натижасида:
1,6 млрд куб метр табиий газ тежалишига эришилди;
атмосферага 3,4 млн тонна зарарли моддалар чиқишининг олди олинди.
Қолаверса, жорий йил бошидан бугун, 2 июль куни ҳолатига Ўзбекистондаги барча гидроэлектр, қуёш ва шамол электр станциялари томонидан 10,1 млрд кВт·соат электр энергияси ишлаб чиқарилди.
Бунинг натижасида:
2,6 млрд куб метр табиий газ тежалишига эришилди;
атмосферага 5,7 млн тонна зарарли моддалар чиқишининг олди олинди.
Маълумот учун: мазкур ҳажмдаги электр энергияси ўртача 8,2 млн хонадоннинг 6 ойлик ёки 4,1 млн хонадоннинг бир йиллик меъёрий базасини ташкил қилади.
