Тошкентда аҳоли жон бошига тўғри келадиган реал даромадлар 13 фоизга ошди — бу республика бўйича ўртача 6,2 фоизлик кўрсаткичдан икки баробардан ҳам юқоридир.
Бу натижалар ортида тадбиркорлар ва пойтахт аҳолисининг меҳнати ҳамда шаҳар жамоасининг изчил фаолияти мужассам. Аввалги йилларда бошланган лойиҳалар аниқ натижалар бермоқда ва бу Миллий статистика қўмитаси маълумотларида ҳам ўз аксини топмоқда.
Иқтисодиёт билан бирга тошкентликларнинг муносиб иш ўринлари, барқарор даромад, сифатли инфратузилма ва қулай шаҳар муҳитига бўлган асосли талаб ва умидлари ҳам ортиб бормоқда.
Ишлар давом этмоқда. Асосий вазифа — иқтисодий ўсиш тошкентликларнинг кундалик ҳаётида янада сезиларли акс этишини таъминлаш ва ҳар бир оила учун кўпроқ имкониятлар очишдан иборат.
