Пойдеворга биринчи ғишт қўйиш маросимида Ўзбекистон Республикаси Бош вазирининг ўринбосари Жамшид Хўжаев, инвестициялар, саноат ва савдо вазири ўринбосари Илзат Қосимов, Корея Республикасининг Ўзбекистондаги Фавқулодда ва Мухтор Элчиси Вон До Ён ҳамда Жанубий Кореянинг ROBOTIS компанияси президенти Ким Бёнг Су иштирок этди.
1999 йилда ташкил этилган ROBOTIS автоном робототехника соҳасидаги жаҳон етакчиларидан бири ҳисобланади. Компания активлари 2,5 миллиард долларга баҳоланади. Унинг АҚШ, Япония ва Хитойда ваколатхоналари фаолият юритади.
Компания ишлаб чиққан технологиялардан Amazon, Microsoft, Apple, NASA, Google, Samsung ва BMW каби йирик халқаро компаниялар кенг фойдаланади.
Таъкидланишича, мазкур стратегик лойиҳа Ўзбекистон саноатини юқори технологиялар босқичига олиб чиқишга хизмат қилади. Лойиҳа доирасида мингдан ортиқ малакали янги иш ўрни яратилиши, шунингдек, илғор халқаро технология ва тажрибаларни мамлакатга жалб этиш кўзда тутилган.
Мутахассислар фикрича, ушбу ташаббус Ўзбекистонни Марказий Осиёда робототехника соҳасининг етакчи марказларидан бирига айлантириш учун мустаҳкам замин яратади.
