Маълум қилинишича, мазкур бино Вазирлар Маҳкамасининг 2019 йил 4 октябрдаги 846-сон қарори билан Маданий мерос объектларининг Миллий рўйхатига киритилган бўлиб, давлат муҳофазасида ҳисобланади.

Аввал ҳам бинога маданий мерос объекти мақомини бекор қилиш ва уни Миллий рўйхатдан чиқариш бўйича таклифлар кўриб чиқилган ҳамда рад этилган.

Бу масала юзасидан 2026 йил 5 август куни келиб тушган навбатдаги мурожаат ҳам Агентлик томонидан кўриб чиқилган. 19 августдаги расмий жавоб хатида объектни Миллий рўйхатдан чиқариш учун қонунчиликда назарда тутилган асослар мавжуд эмаслиги, бундай ҳаракат ноқонуний экани маълум қилинган.

Шу тариқа, объектнинг маданий мерос объекти сифатидаги мақоми сақланиб қолади ва у давлат муҳофазасида бўлади.

Маданий мерос агентлиги директори биринчи ўринбосари Элмурод Нажимовнинг таъкидлашича, бинога нисбатан уни қонунга хилоф равишда бузиш, вайрон қилиш ёки ўзгартиришга қаратилган ҳар қандай уринишнинг олди олинади.

«Биз мамлакатимизнинг тарихий меросини асраб-авайлашимиз ва уни келажак авлодларга етказишимиз шарт», — деди у.