25–30 апрель кунлари тарихий Хива шаҳрида ўтказилаётган “Лазги” III Халқаро рақс фестивали доирасида 27 апрель куни Туркия–Ўзбекистон Маданий ҳамкорлик қўшма комиссиясининг III йиғилиши бўлиб ўтди. Унга Туркия Республикаси Маданият ва туризм вазирининг ўринбосари Батуҳан Мумжу ва Ўзбекистон Маданият вазирининг ўринбосари Муроджон Маджидов раислик қилди. Йиғилишда икки мамлакатнинг маданий мероси, музей фаолияти, номоддий маданий мероси, кино саноати, театр ва ижрочилик санъати соҳаларидаги етакчи мутахассислари ва раҳбар ходимлари иштирок этди.
Учрашувда умумий маданий меросни асраш ва тарғиб қилиш, музейлар ўртасидаги ҳамкорликни кенгайтириш, қўшма кино лойиҳаларини амалга ошириш, театр ва саҳна санъатини ривожлантириш, ижодий жамоаларнинг ўзаро алмашинуви ҳамда маданий тадбирларни биргаликда ташкил этиш каби мавзулар атрофлича муҳокама қилинди.
Йиғилиш якунида Туркия ва Ўзбекистон ўртасида маданият соҳасидаги ҳамкорликни ривожлантиришга бағишланган Қўшма комиссиянинг баённомаси имзоланди.
Туркия дўст ва қардош Ўзбекистон билан маданий алоқаларни янада мустаҳкамлаш ҳамда бу ришталарни қўшма лойиҳалар орқали келажакда ҳам изчил давом эттиришга содиқ қолади.
