Мусобақанинг сўнгги кунида оғир вазн тоифаларида баҳслар ўтказилиб, ҳамюртларимиз 1 та олтин, 1 та кумуш ва 1 та бронза медалига сазовор бўлди.
Хусусан, -90 килограмм вазн тоифасида икки нафар ўзбекистонлик спортчи — Умар Бозоров ва Нурбек Муртазоев финалда ўзаро баҳс олиб борди. Унда Умар Бозоров ғалаба қозониб, олтин медални қўлга киритди. Нурбек Муртазоев эса кумуш медаль соҳиби бўлди.
Шунингдек, -100 килограмм вазн тоифасида Эрназар Сарсенбаев бронза медалига сазовор бўлди.
Шу тариқа, Ўзбекистон терма жамоаси Лозаннадаги «Катта дубулға» турнирини 1 та олтин, 2 та кумуш ва 2 та бронза, жами 5 та медаль билан якунлади.
