Фестиваль доирасида у фотосуратчилар томонидан тақдим этилган “Ибтидо” номли оқ-қора кўргазмани ҳам томоша қилди. Ушбу кўргазмада янгиланиш ва ҳаётнинг илк лаҳзалари бадиий акс эттирилган.
Хоразмнинг ноёб табиати ва баҳор фаслининг ўзига хос жозибаси “Zamin Creative” инклюзив ижод студиялари иштирокчиларини бирлаштирди. Қарши, Тошкент, Андижон, Нукус ва Марғилон шаҳарларидан келган дизайнерлар, фотосуратчилар ва актёрлар фестивалнинг фаол иштирокчиларига айланди.
Тадбир давомида ёш дизайнерлар Ҳамид Олимжон шеъриятидан илҳомланиб яратилган либослар тўпламини намойиш этди. Фотосуратчилар эса “Ибтидо” кўргазмаси орқали янгиланиш ғоясини ифода этди, актёрлар миллий рақс ва замонавий хореография уйғунлигини намоён қилди.
Фестиваль ижод, илҳом ва янгиланиш ғояларини мужассам этган ҳолда иштирокчилар ва меҳмонларда илиқ таассурот қолдирди.
