Mehmonxona Yakkasaroy tumani Qushbegi ko'chasida joylashgan bo'lib, 75 xona va 150 o'ringa mo'ljallangan. Sertifikatlashtirish jarayoni ikki bosqichdan iborat bo'lib, avvalo tashkilotda yuqori yoki o'rta bo'g'inda faoliyat yuritadigan boshqaruv xodimi xavfsiz xizmat ko'rsatish bo'yicha maxsus o'quv kurslarida ta'lim olishi va yakuniy testdan o'tishi, keyin esa tashkilotda  OʻzDSt37.001  “Turistik industriya ob'ektlarida xavfsiz turistik xizmatlar ko'rsatishga doir tavsiyalar” davlat standarti talablarini joriy qilgan holda sertifikatlashtirish uchun ariza topshirilishi lozim. Ta'lim olish va sertifikatlashtirish onlayn tarzda, http://safetravel.uz/ sayti orqali amalga oshiriladi. Ta'kidlash lozimki, “Uzbekistan. Safe travel GUARANTEED”  tizimi turizm industriyasining barcha ob'ektlarida sanitar-gigienik xavfsiz xizmat ko'rsatishni nazarda tutadi. Bunda sayyohlar aeroport yoki vokzalga kelib tushganidan so'ng ularni kutib olish, transfer, joylashtirish va ovqatlantirish xizmatlari, madaniy, tarixiy, ziyorat va ko'ngilochar ob'ektlarda bo'lishlarida xavfsiz xizmat ko'rsatiladi. Mazkur ob'ektlarning barchasi xavfsiz turistik xizmatlar ko'rsatish bo'yicha sertifikatlashtirishdan o'tishi mumkin.