Төсбелгімен елімізде интеллектуалдық меншік саласын дамытуға елеулі үлес қосқан мемлекеттік және беймемлекеттік ұйымдардың қызметкерлері, халықаралық ұйымдардың өкілдері, сондай-ақ кәсіпкерлік субъектілері марапатталады.

Төсбелгімен марапаттауға қатысты ұсыныстарды қарау үшін Комиссия құрылады.

Комиссия кандидаттарды төсбелгімен марапаттау кезінде төмендегілерді ескереді:

  • интеллектуалдық меншік саласын дамыту жөніндегі мемлекеттік бағдарламаларды, нормативтік-құқықтық құжаттардың жобаларын әзірлеуге қатысқандығы;
  • интеллектуалдық меншік нысандардың жаратылуын қолдап-қуаттау бағытындағы қызметі;
  • интеллектуалдық меншік нысандарының құқықтық қорғалуын қамтамасыз етуге белсенді қатысқандығы;
  • қоғамда интеллектуалдық қызмет нәтижелеріне құрмет сезімін қалыптастыруға қосқан үлесі;
  • интеллектуалдық меншік саласындағы халықаралық ынтымақтастықты дамытуға, оның ішінде интеллектуалдық меншік саласында жүзеге асырылып жатқан реформалар туралы халықаралық қауымдастықты ақпараттандыруға қатысқандығы.

Төсбелгі жыл сайын 26 сәуір – Халықаралық интеллектуалдық меншік күні қарсаңында салтанатты түрде табысталады.

Төсбелгімен марапатталған адамдарға базалық есептік мөлшерінің  (БЕМ) 4 еселенген мөлшерінде біржолғы ақшалай сыйақы төленеді.