Осы жылдың 17–19 сәуір күндері Берлиндегі Араб мәдениет үйінде өткен халықаралық балалар кітап фестивалі Өзбекстан балалар әдебиеті үшін де маңызды оқиғаға айналды. Аталған шарада Германиядағы Өзбекстан елшілігімен бірлесіп ұйымдастырылған ұлттық стендте Өзбекстан балалар әдебиетінің бай әрі алуан түрлі үлгілері кеңінен таныстырылды. Әсіресе, Уткир Хошимовтың «Дунёнинг ишлари» шығармасы, сондай-ақ Айбек Остановтың аудармаларына ерекше назар аударылды. Қазіргі заманғы балалар әдебиетінен Динара Муминова, Саида Рашидова, Феруза Назарова және Ситора Усманованың кітаптары фестиваль көрмесіне қойылып, халықаралық оқырмандар назарына ұсынылды.
Шараның ең жарқын сәттерінің бірі — «Көпір және Достық» атты екі тілде (өзбек және неміс) жарық көрген кітаптың тұсаукесері болды. Бұл таныстырылым интерактивті түрде ұйымдастырылып, балалардың үлкен қызығушылығын тудырды. Достық идеясы балалар жүрегіне тез жетіп, ата-аналар тарапынан да жылы қабылданды.
Фестиваль тек кітап көрмесі ғана емес, мәдениеттер арасындағы байланысты нығайтатын алаңға айналды. Онда жаңа достық қарым-қатынастар орнатылып, болашақта балалар әдебиеті мен мәдени жобалар аясында ынтымақтастықты дамыту үшін берік негіз қаланды.
Осындай халықаралық іс-шараларға Өзбекстанның белсенді қатысуы ұлттық әдебиетімізді әлемге таныту, жас ұрпақтың жүрегінде кітапқа деген сүйіспеншілікті қалыптастыру және достық құндылықтарын нығайту жолында маңызды рөл атқарады.
Ситора Усманова,
Германиядағы отандас.
