Кездесуде елімізде алғашқы интеграцияланған атом электр станциясын салу жобасын жүзеге асыру, сондай-ақ озық технологиялар мен білімге негізделген тиісті инфрақұрылымды дамыту мәселелеріне баса назар аударылды.
Алғашқы реактор ғимаратының іргетасын қалау және атом электр станциясын жобалау жұмыстарының жоспарға сай жалғасып жатқаны атап өтілді.
Салаға білікті мамандар даярлау мәселесіне, соның ішінде «МИФИ» ұлттық ядролық зерттеу университетінің Ташкенттегі филиалы мен «Росатом» компаниясының нысандарындағы мүмкіндіктерді пайдалану мәселелеріне ерекше көңіл бөлінді.
Сонымен қатар, болашақ атом электр станциясының маңында энергия үнемдейтін тұрғын үйлер, заманауи білім беру, медицина және спорт мекемелері, сондай-ақ тұрғындарға қолайлы әлеуметтік инфрақұрылымы бар атомшылар қалашығын салу бағытындағы ынтымақтастық мүмкіндіктері талқыланды.
