Спортни ривожлантириш вазирлиги матбуот хизматининг маълум қилишича, қизиқарли ва муросасиз баҳсларга бой кечган турнир Ўзбекистон терма жамоаси учун муваффақиятли ўтди.

Жумладан, эркаклар ўртасида -63 кг вазн тоифасида Қудрат Ҳайдаров олтин, -70 кг вазн тоифасида Жавоҳир Алиқулов олтин, Асилбек Хусанов кумуш, +65 кг вазн тоифасида Асад Анваров кумуш, -58 кг вазн тоифасида Қудратулло Шоназаров бронза, -80 кг вазн тоифасида Қудрат Муҳаммадиев бронза медалига сазовор бўлган бўлса, аёллар ўртасида -47 кг вазн тоифасида Фарида Ҳабибуллаева яна бир бронзани делегациямиз ҳисобига қўшиб қўйди.

Эътиборлиси, қитъамизнинг 20 дан зиёд давлати иштирок этган ушбу нуфузли мусобақада вакилларимиз 2 та олтин, 3 та кумуш ва 2 та бронза, жами 7 та медал билан умумжамоа ҳисобида 1-ўринни қўлга киритди.

Таъкидлаш керакки, ушбу мусобақада ғолиб ва совриндор бўлган 6 нафар пара таэквондочимиз Париж-2024 ёзги Паралимпия ўйинларига йўлланма берувчи муҳим рейтинг очколарини қўлга киритишдан ташқари, Ханчжоуда бўлиб ўтадиган Пара Осиё ўйинларига ҳам йўлланмани нақд қилиб қўйди.