Бу ҳақда ИИВ Транспорт ва туризм объектларида хавфсизликни таъминлаш департаменти ахборот хизмати маълум қилди.
Қайд этилишича, Тошкент–Қарши йўналишида ҳаракатланаётган 764-сонли «Афросиёб» поездининг 9-вагонидаги 35–36-жойларда 1980 йил 30 мартда туғилган У. А. Латиповга тегишли эркаклар сумкаси (барсетка) қолиб кетгани аниқланди.
Холислар иштирокида текширилганда, барсетка ичида 2400 АҚШ доллари ҳамда 50 миллион сўм маблағ борлиги маълум бўлди.
Олиб борилган суриштирув ишлари натижасида барсетка эгасига қайтарилди.
