Аҳолини манзилли профилактика ва скрининг қилиш янада яхшиланади

Саломатлик 26 май 2021, 13:22 2 070

Президентимизнинг “Соғлиқни сақлаш соҳасини комплекс ривожлантиришга доир қўшимча чора-тадбирлар тўғрисида”ги қарорида аҳолини манзилли профилактика ва скрининг қилиш ишларини ташкил этиш масаласига алоҳида эътибор қаратилган.

Қарорга биноан, 2021 йил 1 октябрга қадар жойларда, хусусан, олис ва чекка ҳудудларда яшаётган аҳолини манзилли профилактика ва скрининг қилиш учун зарур ускуналар билан жиҳозланган махсус автобусларнинг камида 3 та тажриба намунаси яратилади, дея хабар қилади соғлиқни сақлаш вазирлиги Матбуот хизмати.