Акбар Жўраев –110 кг вазн тоифасида иштирок этиб, даст кўтариш машқида 198 кг натижа қайд этди ва жаҳон рекордини янгилади.
Ҳамюртимиз силтаб кўтаришда ҳам юқори натижа кўрсатди. Ушбу машқда 234 кг тошни кўтарган спортчимиз икки кураш натижасига кўра 432 кг билан мутлақ чемпионликни қўлга киритди.
Қайд этиш жоизки, Акбар Жўраевнинг икки курашдаги 432 кг натижаси ҳам жаҳон рекорди сифатида қайд этилди. Шу тариқа, у мусобақани иккита жаҳон рекорди ва олтин медаль билан якунламоқда.
Мазкур жаҳон чемпионати Лос-Анжелес–2028 ёзги Олимпия ўйинлари учун рейтинг очколарини тўплаш нуқтаи назаридан ҳам муҳим аҳамиятга эга. Ҳамюртимиз икки жаҳон рекорди эвазига қўшимча бонус очколарини ҳам қўлга киритади.
