Қорақалпоғистон Республикасининг, хусусан, Амударё туманининг туризм салоҳиятини янада ошириш, янги туристик маҳсулотларни шакллантириш, маҳаллий аҳоли бандлигини таъминлаш ҳамда ички ва хорижий сайёҳлар оқимини кўпайтириш мақсадида Сайкўл кўли бўйида сафари (чўл) туризмини ривожлантириш бўйича янги лойиҳа амалга оширилиши режалаштирилмоқда.
Лойиҳа доирасида 5 та миллий ўтов, овқатланиш маскани, сувенирлар дўкони, пляж ҳудуди, балиқ овлаш жойи, санитария-гигиена инфратузилмаси, отда сайр қилиш хизматларини ташкил этиш кўзда тутилган.
Шунингдек, туроператор корхона тасарруфида сафари турларини ташкил этиш учун 10 та йўл танламас автотранспорт воситаси мавжуд бўлиб, бу меҳмонларга чўл ҳудудларининг бетакрор табиати ва манзараларини хавфсиз ҳамда қизиқарли тарзда томоша қилиш имконини яратади.
