Фавқулодда вазиятлар вазирлигининг маълум қилишича, 21 июнь куни соат 20:10 да «112» тизими орқали Андижон вилояти Фавқулодда вазиятлар бошқармасига Андижон тумани, «Март» маҳалласи, Обод йўли кўчасидаги ёғоч омборида ёнғин содир бўлгани ҳақида хабар келиб тушган.
Ҳодиса жойига 6 та ёнғин-қутқарув экипажи соат 20:18 да етиб борган. Ёнғин соат 20:55 да қуршаб олиниб, соат 21:55 да тўлиқ ўчирилган.
Дастлабки маълумотларга кўра, ёнғин оқибатида омборнинг тахминан 250 квадрат метр майдондаги том қисми, шифти, ички ҳудуди ҳамда сақланаётган ёғоч материаллари ёнган.
Ҳодиса оқибатида жабрланганлар йўқ.
Айни пайтда ёнғиннинг келиб чиқиш сабаби ва етказилган моддий зарар миқдори аниқланмоқда.
