Хусусан, Андижон шаҳрининг аҳоли гавжум бўлган 17 та нуқтасида, шунингдек, вилоятнинг барча шаҳар ва туманларидаги деҳқон бозорларида махсус савдо расталари иш бошлади.
Ярмаркаларда 100 турдан ортиқ маҳсулот бозордаги амалдаги нархлардан 20–30 фоизгача арзонлаштирилган ҳолда сотилмоқда.
Ташкилотчиларга кўра, ярмаркалардан кўзланган мақсад аҳолини сифатли ва ҳамёнбоп маҳсулотлар билан таъминлаш ҳамда байрам арафасида қўшимча қулайликлар яратишдан иборат.
Имтиёзли савдо ярмаркалари 15 августдан 5 сентябрга қадар узлуксиз давом этади.
