Давлат хавфсизлик хизматининг вилоят бошқармаси ходимлари Божхона ва ички ишлар органлари билан ҳамкорликда тезкор тадбир ўтказган.

Унда 1993 йилда туғилган маҳаллий фуқаро дала майдонидаги яширин жойга наркотик курьерлар томонидан қолдириб кетилган 1 килограмм 986 грамм «гашиш»ни қариндоши орқали қабул қилиб олаётган вақтда ушланган.

Ҳолат юзасидан жиноят иши қўзғатилиб, тергов ҳаракатлари олиб борилмоқда.