Олдиндан олинган тезкор маълумотларга асосан йўл четида тўхтаб турган иккита автотранспорт воситаси холислар иштирокида кўздан кечирилди. Текширув жараёнида автомашиналардан бирининг олд ўриндиғи пол қисмида ўткир ҳидли, жигарранг тусдаги модда борлиги аниқланди. Экспертиза хулосаларига кўра, умумий оғирлиги 470 гр бўлган мазкур модда “гашиш” гиёҳвандлик воситаси экани тасдиқланди. Шунингдек, автомашинада йўловчи сифатида ҳаракатланган фуқаролар кўздан кечирилганида, улардан бирининг ёнидан яна 3 грамм “гашиш”, иккинчисининг чўнтагидан эса 3 дона “Регапен” номли кучли таъсир қилувчи дори воситаси топилди. Ачинарли томони, ушбу фуқароларнинг ҳар иккиси ҳам муқаддам содир этган жиноятлари учун жазога тортилган бўлишига қарамай, бундан етарлича хулоса чиқармаган. Ҳозирда мазкур ҳолат юзасидан фуқароларга нисбатан Жиноят кодексининг тегишли моддалари билан жиноят иши қўзғатилиб, тергов ҳаракатлари олиб борилмоқда.