Зилзила Хитойнинг Тибет автоном вилоятидаги Нагчу шаҳар округида содир бўлди, деб хабар берди “Синьхуа” ахборот агентлиги маҳаллий фавқулодда вазиятлар бошқармасига таяниб.
Дастлабки маълумотларга кўра, 11 киши жиддий жароҳат олган.
Зилзила оқибатида 339 оиланинг уйи вайрон бўлган. Қутқарувчилар қидирув-қутқарув ишларини давом эттиришмоқда ва жароҳатланганларга ёрдам кўрсатишмоқда. Расмийлар зарар миқдорини баҳолашмоқда, деб хабар берди rbc.ru.
Хитой Фавқулодда вазиятлар вазирлигининг маълумотларига кўра, зилзила эпимаркази 10 километр чуқурликда бўлган. Расмийлар 4-даражали фавқулодда вазиятлар бўйича тезкор гуруҳни эълон қилишди ва зарар кўрган ҳудудга махсус гуруҳ юборишди.
Хитойда тўрт босқичли фавқулодда вазиятлар бўйича тезкор чоралар тизими мавжуд. Ушбу тизим бўйича 1-даражали энг оғир деб ҳисобланади.
Июнь ойида “Синьхуа” Хитойнинг Сичуань вилоятида 5,5 магнитудали зилзила содир бўлганини хабар қилганди, ўшанда 13 киши жароҳат олганди. Уларнинг барчаси енгил жароҳат олганди ва ҳеч ким ҳалок бўлмаганди. Расмийлар 196 кишини эвакуация қилишди, ер силкинишлари 21 та уйга зарар етказди ва йўлнинг бир нечта қисмида тош қулашига сабаб бўлди.
