Бу ҳақда Миграция агентлиги маълум қилди.
Агентлик томонидан хорижда меҳнат қилаётган юртдошларимизнинг иш ҳақи, ҳужжатлар ва меҳнат фаолияти билан боғлиқ мурожаатлари кўриб чиқилди. Натижада юзлаб фуқароларнинг бузилган ҳуқуқларини тиклашга ёрдам берилди.
Иш ҳақи ва компенсацияларни ундириш билан боғлиқ ҳолатлар давлатлар кесимида қуйидагича тақсимланган:
Россия — 533 та;
Туркия — 155 та;
Жанубий Корея — 92 та;
бошқа давлатлар — 37 та.
Шунингдек, 532 нафар фуқаронинг шахсини тасдиқловчи ҳужжатлари воситачилар ва хорижий иш берувчилардан қайтариб олинди.
Бу борадаги мурожаатларнинг асосий қисми Россия ва Туркия ҳиссасига тўғри келган. Хусусан, Россияда 331 та, Туркияда 185 та, Қозоғистонда 11 та ва Жанубий Кореяда 5 та ҳолат бўйича фуқароларнинг ҳужжатлари қайтарилган.
Миграция агентлиги хорижда меҳнат қилаётган фуқароларни қийин вазиятларда ёрдам сўраб мурожаат қилишга чақирди.
Мурожаатлар учун:
1282 — ишонч телефони;
@huquqiy_yordam_uzbot — Telegram боти. Мурожаатларни 24/7 юбориш мумкин.
Хорижда иш ҳақи берилмаслиги, шахсни тасдиқловчи ҳужжатларни қайтаришдан бош тортилиши ёки меҳнат ҳуқуқлари бузилиши каби ҳолатларда тегишли идораларга мурожаат қилиш тавсия этилади.
