Бу ҳақда биринчи бўлиб Нариньо департаментининг тинчлик ва инсон ҳуқуқлари масалалари бўйича котиби Алекс Гонсалес маълум қилди, деб хабар берди Kazinform.
“Тоғ жинслари қулаб тушиши оқибатида бир неча киши вайроналар остида қолгани ҳақида хабар берилди. Улар конда ишлаётган бўлган. Ҳозирги вақтда тўққиз киши ҳалок бўлгани ҳақида маълумот бор”, — деди у Caracol телеканали эфирида.
Ҳодиса жойида қидирув-қутқарув ишлари давом этмоқда. Бироқ ҳудудга етиб бориш қийинлиги ва хавфсизлик билан боғлиқ масалалар қутқарувчиларнинг ишига тўсқинлик қилмоқда.
Caracol телеканалининг маълумотларига кўра, ҳалок бўлганлар сони 12-15 нафарга етиши мумкин.
Олтин ноқонуний қазиб олинган кон Санта-Барбара муниципалитетида жойлашган.
