Ўзбекистон Республикасининг Биринчи хоними, “Замин” халқаро жамоат фонди Васийлик кенгаши раиси Зироат Мирзиёева мазкур саммитда иштирок этиб, нутқ сўзлайди.
Икки кун давом этадиган ушбу анжуман 100 дан ортиқ давлат вакилларини бир майдонга жамлайди. Жумладан, БМТ, ЖССТ, Халқаро болалар онкологлари жамияти, Европа онкология мактаби ва бошқа халқаро ташкилот вакиллари, қатор давлатларнинг соғлиқни сақлаш соҳаси раҳбарлари, шунингдек, олимлар, мутахассислар ҳамда жамоатчилик фаоллари иштирок этади.
Саммит доирасида болалар саломатлиги, таълими, ижтимоий ҳимояси ва хавфсизлигига инвестицияларни кучайтириш масалалари муҳокама қилинади.
