Шунга қарамасдан, айрим шахслар ишонувчан фуқароларни алдаб, катта пул эвазига уларни Саудия Арабистонига олиб бориш бўйича ноқонуний ва шубҳали таклифлар билдириш ҳолатлари ҳам учрамоқда.

Жумладан, Наманган шаҳрида яшовчи 1984 йилда туғилган шахс Чуст туманида истиқомат қилувчи 4 нафар фуқарони «Ҳаж–2026» мавсумида ноқонуний йўллар орқали Саудия Арабистонига юбориш эвазига 26 минг АҚШ доллари талаб қилган.

Давлат хавфсизлик хизмати ҳамда Иқтисодий жиноятларга қарши курашиш департаменти ходимлари ҳамкорлигида ўтказилган тезкор тадбирда ушбу шахс талаб қилинган маблағнинг 6 минг АҚШ долларини олган вақтида ашёвий далиллар билан қўлга олинди.

Ҳозирда унга нисбатан Жиноят кодексининг 168-моддаси (фирибгарлик) 4-қисми «а» банди билан жиноят иши қўзғатилиб, тергов ҳаракатлари олиб борилмоқда.