Бу ҳақда вазир ўзининг Телеграм каналида маълум қилди.
Учрашувда Ўзбекистон, Ўмон ва Эрон ўртасидаги савдо-иқтисодий алоқаларни кенгайтириш, транспорт-логистика соҳасидаги ҳамкорликни ривожлантириш ҳамда мавжуд транзит салоҳиятидан самарали фойдаланиш масалалари муҳокама қилинди.
Шунингдек, томонлар минтақадаги жорий вазият юзасидан фикр алмашди. Мавжуд кескинликни дипломатик воситалар орқали бартараф этиш ва мулоқотни давом эттириш зарурлиги таъкидланди.
Учрашув якунида амалий ҳамкорликни янада кенгайтириш, мавжуд имкониятларни рўёбга чиқариш, минтақада тинчлик, барқарорлик ва тараққиётни таъминлаш борасидаги биргаликдаги саъй-ҳаракатларни изчил давом эттиришга келишиб олинди.