Айни дамда Бухоро давлат университети ректори, О‘zLiDeP Бухоро вилояти Кенгаши раиси, Халқ депутатлари вилоят Кенгаши депутати, шунингдек, вилоят Кенгашининг маҳаллий бюджет, тадбиркорликни ривожлантириш ва иқтисодий ислоҳотлар масалалари бўйича доимий комиссияси раиси, иқтисодиёт фанлари доктори, профессор Обиджон Хамидов томонидан сайёр қабул ўтказилмоқда.

Мазкур сайёр қабул жараёнлари OʻzLiDePнинг «Халқ билан бирга» умуммиллий дастури доирасида аҳоли билан тўғридан-тўғри мулоқотни кенгайтириш, мавжуд долзарб муаммоларни аниқлаш уларни бартараф этиш мақсадида ташкил этилган, дейилади университет хабарида.

Учрашув давомида фуқаролар, талаба-ёшлар ва мурожаатчилар ўзларини қизиқтирган масалалар, таклиф ва муаммолар юзасидан бевосита ректорга мурожаат қилмоқда. Ҳар бир мурожаат атрофлича кўриб чиқилиб, тегишли масъулларга аниқ топшириқлар берилмоқда.

Қайд этилишича, мазкур сайёр қабул очиқ мулоқотни таъминлаш, муаммоларни жойида ҳал этиш ҳамда аҳоли билан самарали алоқани янада мустаҳкамлашга хизмат қилмоқда.