Бош прокуратура ҳузуридаги Департаментнинг Бухоро тумани бўлими ва бошқа ҳуқуқни муҳофаза қилувчи орган ходимлари ҳамкорлигида ўтказилган тезкор тадбирда “B.M.” МЧЖ раҳбари Э.У. ва дорихона фармацевти Ш.У. ўзаро тил бириктириб, сифатини тасдиқловчи ҳужжатлари бўлмаган 5 қути дори воситаларини 5,9 млн сўмга фуқарога сотган вақтида ушланиб, дорихонадан умумий баҳоси 90,9 млн сўмлик 128 турдаги 13 403 дона сифатини тасдиқловчи ҳужжатлари бўлмаган дори воситалари ашёвий далил сифатида олинган.
Мазкур ҳолат юзасидан Жиноят кодексининг 186-3-моддаси (сифатсиз ёки қалбакилаштирилган дори воситаларини ёхуд тиббий буюмларни ўтказиш мақсадида ишлаб чиқариш, тайёрлаш, олиш, сақлаш, ташиш ёки ўтказиш, дори воситаларини ёки тиббий буюмларни дорихоналардан ва уларнинг филиалларидан ташқарида реализация қилиш) билан жиноят иши қўзғатилиб, тергов ҳаракатлари ўтказилмоқда.
