Компания Тошкент шаҳри аҳолисига айни пайтда иситиш мавсумига фаол тайёргарлик кўрилаётгани ва магистраль тармоқларда сув айланиш тизимини созланаётганини маълум қилди.
Босимнинг ўзгариши ва сув оқимининг йўлга қўйилиши натижасида қувурлар деворларида ёз давомида тўпланиб қолган табиий чўкиндилар ювилиб чиқмоқда. Шу сабабли айрим хонадонларда (айниқса, Мирзо Улуғбек туманининг Қорасув, Феруза, Яланғоч ва бошқа мавзеларида) сув рангининг вақтинча ўзгариши ёки ёқимсиз ҳид пайдо бўлиши мумкин.
Компания бу ҳолат аҳолига ноқулайлик туғдираётганини тушунишини ва муаммони бартараф этиш устида иш олиб бораётганини билдирган.
Ҳозирда бригадалар магистраль тармоқларнинг асосий тугунларида турғун сувни қўлда чиқариб юбораётгани ҳамда тармоқнинг айрим қисмларини юваётганини маълум қилди.
"Агар хонадонингизга лойқа сув келаётган бўлса, уни ўзингиз оқизиб юборишингиз шарт эмас.
Шунчаки Телеграм botimizorqali аниқ манзилингизни (туман, мавзе, уй рақами) юборинг. Биз мурожаатингизни дарҳол диспетчерларга йўналтирамиз ва мутахассисларимиз ташқи тармоқ тугунида сизнинг ҳудудингизга тегишли қувур қисмини ювиш учун етиб боришади.
Вақтинчалик ноқулайликлар учун узр сўраймиз. Тизимнинг имкон қадар тезроқ меъёрий ҳолатга келиши ва хонадонларингизга иссиқлик етиб бориши учун барча зарур чораларни кўрмоқдамиз!", дейилади хабарда.
