Автобус 31 октябрь куни икки нафар Ўзбекистон фуқаросининг миграция қонунчилигини бузиш ҳолатлари аниқлангач, жарима майдончасига жойлаштирилган эди. Ҳайдовчига нисбатан маъмурий баённома расмийлаштирилиб, транспорт воситаси йўловчиларнинг юклари билан бирга муҳрлаб қўйилганди.
Ўзбекистоннинг Қозон шаҳридаги Бош консулхонаси ва Миграция агентлигининг аралашувидан сўнг йўловчиларнинг буюмлари бошқа автобусга ўтказилди. 2 ноябрь куни барча Ўзбекистон фуқаролари ўз юкларини олиб, сафарини давом эттирди.
Бўлиб ўтган воқеа муносабати билан Бош консулхона халқаро автобус қатновлари устидан назоратни кучайтириш, чипта сотиш вақтида йўловчиларнинг миграция ҳужжатларини текшириш, йўловчилар томонидан миграция қонунчилиги бузилгани учун ҳайдовчиларни жавобгарликка тортиш амалиётини муҳокама қилишни таклиф этди.
Бундан ташқари, мунтазам қатновчи автобусларнинг Россия ва Қозоғистон чегара пунктларидан ўтишини соддалаштириш бўйича Россия томони билан музокаралар ўтказиш, айниқса қиш мавсуми арафасида, қатновлар олдидан транспорт воситаларининг техник назоратини кучайтириш таклифи илгари сурилди.
