“Ҳудудгаз Бухоро” газ таъминоти филиали ходимлари томонидан комплаенс назорат тузилмалари, туман газ таъминоти бўлими мутахассислари ҳамда ҳуқуқни муҳофаза қилувчи орган вакиллари билан ҳамкорликда Бухоро вилоятининг Вобкент туманида рейд тадбирлари олиб борилди. Жараёнларда ҳудуднинг Косари қишлоғида жойлашган “Ж.Р” номи остидаги оилавий корхонанинг табиий газ истеъмоли кўздан кечирилганида, техник ҳужжатларсиз, шартномасиз табиий газдан фойдаланганлиги аниқланди.
Ҳолат бўйича далолатнома расмийлаштирилди ва дастлабки ҳисоб-китобларга кўра, 794 млн сўмлик зарар қайд этилди. Барча ҳужжатлар ҳуқуқни муҳофаза қилувчи органларга юборилди.
