Лойиҳада рус тилида эркин мулоқот қила оладиган, тиббиёт олий таълим муассасасининг ҳамширалик йўналишини сўнгги икки йил ичида тамомлаган ҳамширалар ва тиббиёт оғалари, шунингдек, шифокорлар иштирок этиши мумкин.
Сараланган номзодлар учун Миграция агентлигининг «Интил» халқаро марказида уч ойлик тезлаштирилган чех ёки словак тили курслари ташкил этилади. Дарсларга Чехия ва Словакиядан малакали ўқитувчилар жалб қилинади.
Шунингдек, номзодларга виза ҳужжатларини расмийлаштиришда Миграция агентлиги томонидан амалий ёрдам кўрсатилади. Турар жой ва ўқиш харажатлари ҳам агентлик томонидан қоплаб берилади.
Ўқув жараёнлари 2026 йил сентябр ойидан бошланади. Виза расмийлаштириш ишлари тил курслари билан бир вақтда олиб борилади.
Курсларни муваффақиятли тамомлаб, Чехия ёки Словакияда иш бошлаган мутахассисларнинг ойлик маоши:
- шифокорлар учун — 3 000 евродан;
- ҳамширалар ва тиббиёт оғалари учун — 2 000 евродан бошланади.
