Фестиваль Visit Malaysia 2026 (VM2026) миллий туризм кампанияси доирасида ташкил этилиб, ҳар йили мамлакатнинг барча штатларидан иштирокчиларни бирлаштиради ҳамда Малайзиянинг бой миллий анъаналари, санъати, ошхонаси ва маданий меросини намойиш этади.
Бу йилги фестиваль "The Rhythm. The Soul. The Nation." ("Ritm. Ruh. Millat.") шиори остида ўтказилади. Ушбу шиор Малайзиянинг маданий хилма-хиллиги ва халқининг бирдамлигини ифодалайди. Ташкилотчилар прогнозига кўра, фестивалга ҳар куни маҳаллий аҳоли ва хорижий сайёҳларни ўз ичига олган 50 мингга яқин меҳмон ташриф буюради.
Фестивалнинг тўртта асосий майдони
Уч кун давомида ташриф буюрувчилар Малайзиянинг маданий мероси билан қуйидаги тўртта тематик ҳудуд орқали танишишлари мумкин:
Colours of Parade — мамлакатнинг барча ҳудудларидан келган артистлар, мусиқачилар ва рақс жамоалари иштирокидаги улкан маданий парад;
Colours of Flavour — Малайзиянинг миллий таомлари ва гастрономик анъаналарига бағишланган майдон;
Colours of Culture — фольклор чиқишлари, маҳорат дарслари, миллий ҳунармандчилик ва интерактив маданий дастурлар;
Colours of Art — амалий санъат кўргазмалари, ҳунармандчилик намойишлари ҳамда маҳаллий усталар ишлари.
Фестивалнинг энг муҳим воқеаси 25 июль куни бўлиб ўтадиган Colours of Parade бўлади. Шу куни Dataran Merdeka майдони очиқ осмон остидаги улкан саҳнага айланиб, Малайзиянинг турли ҳудудларидан келган юзлаб иштирокчилар мусиқа, рақс, театрлаштирилган чиқишлар ва миллий либослар орқали мамлакатнинг бой маданиятини намойиш этадилар.
25 йилдан ортиқ тарихга эга фестиваль
Citrawarna, яъни Colours of Malaysia, илк бор 1999 йилда Малайзиянинг маданий мероси, санъати ва туризм салоҳиятини тарғиб қилиш мақсадида ташкил этилган.
Ўтган йиллар давомида фестиваль мамлакатнинг энг муҳим миллий тадбирларидан бирига айланиб, маданий анъаналарни асраш ва Малайзияни жозибадор сайёҳлик йўналиши сифатида дунёга танитишга хизмат қилиб келмоқда.
Фестиваль Tourism Malaysia томонидан давлат ва соҳа ҳамкорлари кўмагида ташкил этилади. Маданий дастурлардан ташқари, тадбир туризм, меҳмонхона бизнеси ва кичик бизнес ривожига ҳисса қўшади ҳамда барқарор туризм тамойилларини илгари суради.
Малайзияни янги нигоҳ билан кашф этиш имконияти
Ўзбекистонлик саёҳатчилар учун Citrawarna 2026 Малайзиянинг маданий хилма-хиллигини битта сафар давомида яқиндан кашф этиш имкониятини яратади. Фестиваль мамлакатнинг барча штатлари анъаналарини бирлаштириб, меҳмонларга миллий рақслар, мусиқий чиқишлар, ҳунармандчилик намуналари ва Малайзиянинг турли ҳудудларига хос таомларни татиб кўриш имконини беради.
Шунингдек, фестиваль Куала-Лумпур ва Малайзиянинг бошқа машҳур сайёҳлик масканларига ташрифни мамлакатнинг энг муҳим маданий тадбирларидан бири билан уйғунлаштириш имконини яратади.
Visit Malaysia 2026
Фестиваль Малайзия Туризм, санъат ва маданият вазирлиги (MOTAC) ҳузуридаги Tourism Malaysia томонидан амалга оширилаётган Visit Malaysia 2026 миллий кампанияси доирасида ўтказилади.
Мазкур кампания Малайзияни Осиёнинг етакчи туристик йўналишларидан бири сифатида тарғиб этиш, барқарор туризмни ривожлантириш ҳамда мамлакатнинг бой табиий ва маданий меросини халқаро миқёсда кенг оммалаштиришга қаратилган.
Tourism Malaysia ҳақида
Tourism Malaysia - Малайзия Туризм, санъат ва маданият вазирлиги (MOTAC) ҳузуридаги миллий туризмни тарғиб қилиш агентлиги бўлиб, Малайзияни халқаро бозорларда оммалаштириш ҳамда Visit Malaysia 2026 глобал кампаниясини амалга ошириш орқали хорижий сайёҳлар оқимини ошириш ва барқарор туризмни ривожлантириш билан шуғулланади.
«New Stage Advisory Tashkent» МЧЖ
Реклама ҳуқуқи асосида
