Тошкент метрополитени ДУК ижтимоий тармоқлардаги «Чорсу» метро бекатига сув тошгани ҳақида тарқалган хабарларга муносабат билдираркан, бекатдаги тошқин сабаблари ҳақида маълум қилди.
Қайд этилишича, метрополитен иншоотлари доимий техник назоратдан ўтказиб борилади. Шунингдек, фавқулодда ҳолатларнинг олдини олиш бўйича мутасадди ташкилотлар ва шаҳар ҳокимлигига аввал ҳам бир неча бор расмий мурожаатлар киритилган.
Ҳозирги вақтда вазият метрополитен ходимлари томонидан тўлиқ назоратга олинган. Зарур чоралар кўрилган бўлиб, бекат инфратузилмасининг хавфсиз ва барқарор ишлашини таъминлаш ишлари амалга оширилган.
Қўшимча қилинишича, айни пайтда «Чорсу» метро бекатида ҳолат тўлиқ барқарорлашган. Поездлар ҳаракати белгиланган жадвал асосида узлуксиз давом этмоқда, бекат ҳудудига сув кириши ҳолати батамом бартараф этилган.
Шунингдек, бекатнинг ички қисми ҳамда кириш-чиқиш йўлаклари тўлиқ тозаланиб, йўловчилар учун хавфсиз ва қулай шароитлар қайта тикланган.
Метрополитен маъмурияти йўловчиларга хавфсиз, барқарор ва сифатли хизмат кўрсатиш устувор вазифа бўлиб қолишини таъкидлади.
