Хусусан, 2026 йилнинг январь–сентябрь ойларида Давлат тиббий суғуртаси жамғармаси ҳисобидан аҳолига кафолатланган тиббий ёрдам кўрсатиш учун жами 26,6 трлн сўм маблағ йўналтирилди.
Ушбу маблағларнинг асосий қисми, яъни 25,5 трлн сўми поликлиника, шифохона ва тез тиббий ёрдам хизматларини молиялаштиришга сарфланди.
Шунингдек, 886 млрд сўм юқори технологик ва ихтисослаштирилган тиббий хизматларга, 248 млрд сўм эса Реимбурсация дастури доирасида аҳолини бепул дори воситалари билан таъминлашга йўналтирилди.
Жорий йилнинг 9 ойи давомида поликлиникаларда фуқароларга 176,8 млн марта бепул тиббий кўрик ва маслаҳат хизматлари кўрсатилди. Шу билан бирга, 3,4 млн нафар бемор шифохоналарда ётиб даволанган бўлса, яна 1,3 млн нафар бемор кундузги стационарларда муолажа олди.
Бу даврда тез тиббий ёрдам хизматига жами 9,4 млн марта чақирув келиб тушди. Бу ҳар куни ўртача 34,5 минг марта тез тиббий ёрдамга мурожаат қилинганини англатади.
ССВ Матбуот хизмати.
